Wednesday, November 9, 2011

രാജ്യറാണി എക്സ്‌പ്രസ്‌ ഈയാഴ്ച ഓടിത്തുടങ്ങും


ഷൊറണൂര്‍: നിലമ്പൂര്‍-തിരുവനന്തപുരം രാജ്യറാണി എക്സ്‌പ്രസ്‌ ഈയാഴ്ച ഓടിത്തുടങ്ങും. ഔദ്യോഗിക ഉദ്ഘാടനച്ചടങ്ങ് ഷൊറണൂര്‍ റെയില്‍വേജങ്ഷനില്‍ നടക്കും. നവം. 11, 12 തീയതികളില്‍ ഏതെങ്കിലുമൊരു ദിവസമായിരിക്കും ഉദ്ഘാടനം നടക്കുകയെന്നറിയുന്നു. ഔദ്യോഗിക അറിയിപ്പ് എത്തിയിട്ടില്ല.

നിലമ്പൂര്‍-തിരുവനന്തപുരം രാജ്യറാണി എക്സ്‌പ്രസ്‌ ഏഴുകോച്ച് വീതമുള്ള രണ്ടുവണ്ടിയായി നിലമ്പൂര്‍മുതല്‍ ഷൊറണൂര്‍വരെയാണ് ഓടുക. ഷൊറണൂരില്‍ നിന്ന് അമൃത എക്സ്‌പ്രസുമായി ബന്ധിപ്പിച്ച് തിരുവനന്തപുരത്തേക്ക് യാത്രതുടരും. രാജ്യറാണി എക്‌സ്പ്രസ്സുമായി ബന്ധിപ്പിക്കുന്നതോടെ അമൃതയിലെ കോച്ചുകളുടെ എണ്ണം 22 ആകും.

രാജ്യറാണി എക്സ്‌പ്രസ്സിനായുള്ള ഒമ്പത് കോച്ച്എത്തിയിട്ടുണ്ട്. ശേഷിക്കുന്ന അഞ്ച് കോച്ച് അടുത്തദിവസമെത്തും.

മലബാര്‍മേഖലയിലെ യാത്രക്കാര്‍ക്ക് രാജ്യറാണി എക്സ്‌പ്രസ്‌ തീവണ്ടി ഗുണകരമാകും.
 

No comments: