ടി.കെ കോളനി ജനവാസകേന്ദ്രത്തില് പുലി
പൂക്കോട്ടുംപാടം: ടി.കെ കോളനിയില് പുലിയുടെ വിളയാട്ടം വീണ്ടും. തിങ്കളാഴ്ച പുലര്ച്ചെ രണ്ടരയോടെ ജനവാസകേന്ദ്രത്തിലിറങ്ങിയ പുലി മൂന്നുമണിക്കൂറോളം പരിഭ്രാന്തി പരത്തി. ടി.കെ കോളനി മത്തായിക്കുന്ന് പുല്ലുമല ഭാഗത്താണ് പുലിയിറങ്ങിയത്. പുന്നത്താനത്ത് സോമന്റെ ആടിനെ പുലി പിടിച്ചു. വീടിനുസമീപം പട്ടികകൊണ്ടുണ്ടാക്കിയ കൂട്ടില് മൂന്ന് ആടുകളാണ് ഉണ്ടായിരുന്നത്. ഇതില് ഒന്നിനെയാണ് കൂട്ടിനടിഭാഗത്തെ പട്ടിക കടിച്ചുമുറിച്ച് പുലി പിടികൂടിയത്. ആടിനെ 20 മീറ്ററോളം ദൂരത്തേക്ക് വലിച്ചുകൊണ്ടുപോയിട്ടുണ്ട്. ശബ്ദംകേട്ട് പുറത്തിറങ്ങിയ സോമന്റെ മക്കളായ പുന്നത്താനത്ത് അഭിലാഷ്, അജീഷ്, അയല്വാസിയായ മാട്ടപ്പാടത്ത് സജീവന് എന്നിവരാണ് പുലിയെ നേരില് കണ്ടത്. പുലിക്ക് ഏകദേശം അഞ്ചടിയിലധികം നീളമുണ്ടെന്ന് അഭിലാഷ് പറഞ്ഞു.
ടി.കെ കോളനിയില് തുടര്ച്ചയായി മൂന്നാംദിവസമാണ് പുലിയിറങ്ങുന്നത്. ശനിയാഴ്ച പുലര്ച്ചെയാണ് ടി.കെ കോളനിയില് കൊളറിയാടന് അലവിയുടെ ആടിനെ പുലി കടിച്ചുകൊന്നത്. ആക്രമണസ്വഭാവം, ഭക്ഷണരീതി എന്നിവയുടെ അടിസ്ഥാനത്തില് പൂര്ണവളര്ച്ചയെത്തിയ പുലിയാണ് ആക്രമണം നടത്തുന്നതെന്നാണ് നിഗമനം.
ടി.കെ കോളനിയില് തുടര്ച്ചയായി മൂന്നാംദിവസമാണ് പുലിയിറങ്ങുന്നത്. ശനിയാഴ്ച പുലര്ച്ചെയാണ് ടി.കെ കോളനിയില് കൊളറിയാടന് അലവിയുടെ ആടിനെ പുലി കടിച്ചുകൊന്നത്. ആക്രമണസ്വഭാവം, ഭക്ഷണരീതി എന്നിവയുടെ അടിസ്ഥാനത്തില് പൂര്ണവളര്ച്ചയെത്തിയ പുലിയാണ് ആക്രമണം നടത്തുന്നതെന്നാണ് നിഗമനം.
No comments:
Post a Comment